الشاعر ابراهيم عياد – Ibrahim Ayad
ابراهم عياد شاعر مصري درس في كليه الاداب جامعه اسيوط
العنوان \ العزية
ولد فى 7 مايو 1995
من كتاباته
بيورط ابن الايه ف حاجات
بيسد ودانه عن الدنيا اللي بتترجاه
ويهمش ناس .. ويحجم ناس .. ويقول اخوات
ويشوفك فجاءه يقول الله ..
ويسمي عليكي ويتهمهم ..
يتلو الانجيل ويا القرآن ويا التوراه ..
ويخبى وراه .. كلاكيع .. ندبات ..
وسنين ماعرفش قضاها ازاي من دونك .. لو !
هنقول إنك عمال تحلوى ف كل صباح .. 

انا ليه كل مااشوفك بحلو ؟!
انا ليه كنت بشوفك ايه ..
تشوفيني دموعك ومشاكلك .. ؟!
اقسملك بالليل ونجومه ..
والقهوه البايته علي هدومه ..
والقمر الساذج ف كماله وجماله اللي بيشبه شكلك ..
انا اخر واحد كان ممكن ..
يتنيل يعشق ف حياته ..
ويشيل الليل تحت دراعه ويجيلك ملهوف يستني .. 

طول عمري بميل اوي للمفرد ..
وبقلل من اي مثني ..
كأن الشمس كرهتنا ..
وحلفت ف الشروق الجي ماتعديش علي كلامنا ..
كأن البُعد كان مهزوم من الناس اللي قبلينا ..
وتخليص حق .. فهزمنا .. 

172 عدد عمليات البحث
[: 1 من: 5]